ياريتنى كنت ولد

كان ياماكان فى سالف العصر والزمان كان فى امير اسمه عتمان لكن الامير عتمان دايما غضبان   معترض وعصبى على طول مافيش ابدا حاجه بترضيه  فى يوم من الايام نام الامير عتمان وشاف الامير عتمان حلم غريب  الامير عتمان شاف نفسه او حد شبه ماببقاش مصدق نفسه الامير عتمان  حاول يقوم يلمس الشخص لكن ماقدرش حاول يتكلم برده مقدرش

شاف الامير عتمان نفسه او الشخص الى شبه قاعد فى حديقه كبيره  لكن شافه قاعد غضبان جنب صندوق خشب بنى وفى الصندوق عداد عمال يعد  وحوالين الصندوق شخص عمال يجرى حوالين صندوق وحوالين الشخص الى يشبه الامير عتمان واستعجب الامير عتمان من الى بيحصل للى شبه وليه قاعد مبيعملش حاجه وليه زعلان  او بتخانق

 وليه مايتحركش الف ليه وليه جت فى دماغ الامير عتمان

وفجاه شاف الامير عتمان  شيخ من بعيد بيقرب من الى شبه والشيخ كانت على ملامحه  ابتسامه ودقنه بيضاء لون كرات التلج  شاف عتمان الشيخ بيقرب من الشخص الى يشبه وسمع الشيخ بيكلمه وكام كانت صدمه كبيره وهو بيقول للشخص ده  الى يشبه وبيناديه باسم عتمان وبدا عتمان يقول هوده انا ولاانا هو وقبل مايفكر عتمان كتير فاق على صوت الشيخ وهو بيكلم الشبيه ويقوله قاعد ليه ياعتمان كده قاله وانا اعمل ايه يعينى وقعد يشتكى ويشتكى  لغايه ماسوده الدنيا والعيشه استعجب الشيخ وقاله   الشيخ معاك حق ياعتمان طب ايه رايك ندخل فى الصندوق ده مش ده صندوقك  رد عتمان اه قاله ندخل ونشوف صندوقك فيه ايه ياعتمان  اذا كان كلامك صحيح هاديك  كيس فيه كل ماتتمناه  واى شى تريده هيكون فى ايدك فى الحال   بس بشرط اذا ادخلنا الصندوق ومالقتش غير الحزن ومش لقينا حاجه تخليك تضحك هديك الكيس ده اذا ضحكت اواترسم على وشك الضحك هيبقى لينا كلام وافق عتمان على اتفاق الشيخ وهو بيقول جوه نفسه اضحك وانا شوفت ايه فى دنتيى اضحك عليه

ودخلوا الشيخ وعتمان الصندوق كل ده وعتمان سامع وشايف الى بيحصل بينه وبين الى شبه والشيخ ولاقادر يتحرك ولاقادر يتكلم

دخل الشيخ الصندوق ولقاه فى الصندوق اماكن فيها نور واماكن فيها ظلمه وصريخ

قاله تحب نبدا منين تعال نشوف الاماكن الى فيها نور وبدواء يمشوا لقوا عتمان وهو طفل وبيضحك ومامته بتلعبه وابوه وهو بيشيله ويعمله حمار ويركبه فوقه ويضحك عتمان على  ويسال عتمان نفسه معقول ابويا كان بيعمل كده ليا!وشاف عتمان نفسه وهو بنجح فى دراسته وحنان ابوه وامه وشاف نفسه وهو بيلعب ولاعمره يوم اشتكى ولاقال الااه

شاف عتمان رحلات وصحاب ونجاح  ومواقف ويضحك عتمان

وهنا سمع عتمان صوت الشيخ وهو بيقوله يلا ياعتمان وهو عاملين يمشوا بين مكان ومكان ونور فى الاماكن وضحك بيرج ارجاء الاماكن والبهجه فى كل ركن فى المكان لغايه ماوصلوا للى مكان الى فيه الضوء خافت ويمكن ضعيف  لاقى عتمان فيه  فشله وغدر الحبيبه  وموت الصديق وغدر الصديق وفشله فى شغله اشتغلها،ووعود كدابه  وضاعت الضحكه من وش عتمان بس الغربيه عتمان لقى  نفسه مشى مسافه قصيره

ولقى نفسه فى طريق تانى فيه نور بعيد وبيقرب ويبعد ساعات وساعاتيشوف فيه شمس طالعه وساعات غيوم وقف عتمان على الطريق وقبل مايمشى قاله الشيخ يلا عتمان نطلع من الصندوق وسمع عتمان كلام الشيخ وطلع معاه

وبص عتمان للشيخ وبص الشيخ للعتمان واقعد عتمان يفكر وبعد ماساد الصمت  دقايق  شاف عتمان  الصمت الى ساد بين عتمان وبين اللى يشبه فى لحظه دى بس قدر عتمان يتحرك وطلع صوته وصرخ وهنا اختفى عتمان الشبيه

وجرى عتمان وهو بيصرخ ويقول للشيخ مين ده؟ قصدك ايه من رحلتك دى الى جوه الصندوق ؟وايه الصندوق ده؟وايه العداد ده ؟مين ده الى بيجرى حوالين العداد؟وانت مين؟ورد الشيخ وقال

معقول ياعتمان مافهمتش انا خدتك جوه الصندوق عشان اوريك حياتك تشوفها من كل الجوانب مش من جانب واحد وريتك اد ايه مررت بحاجات حلوه ادايه عندك نعم عندك اهلك عندك صحتك عندك حياتك صحيح فى حاجات وحشه  بس العين ترى كما يحلى لها يعينى لوحاولت تفكر مش يمكن الفشل سر للنجاح بعد كده مش يمكن فى حبيب احسن من الى غدر بيك مش يمكن فى صديق هتعرفه مش يمكن الموت للحكمه  ما تعرفهاش ليه بتشوف دنيتك بنظارتك السودا ليه مابتشوفش السما والنور  ليه بس شايف الوحش  يابنى كن جميلا ترى الوجود جميلا ايه يعينى محروم من نعمه بس عندك نعم تانيه كتيره مش عند غيرك لوعايز تكون سعيد دورك على نعم اللى عندك وحاول تشوفها هتلاقيها كتير اووى واللى عندك يمكن مايكنش عند غيرك والى عند غيرك يمكن مايكنش عندك  يابنى عين الرضا بتسعد صحابها

اما الصندوق فهو حياتك  واما العداد فده عمرك والراجل الى بيجرى حوالين العداد فده الزمن شوفت نفسك قاعد تبكى  مابتعملش حاجه غير انك غضبان والزمن بيجرى وعداد عمرك معاه ،عايز توصل ياعتمان فى نهايه المشوار ومع نهايه عمرك هتلاقى نفسك معملتش حاجه ماستمتعتش بلحظات حياتك ماخترتش صح  وهيضيع عمرك هباء فى حزن ونكد صنعته انت فكل فتره زمنيه فعمرك هتندم على الى فاتك فى الفتره الى قبلها وتفضل تندوم وتدور فى نفس الحلقه من غير فايده

اما الطريق الى وقفت عليه فده مستقبلك وحاله الغيم والشمس فده هو قرارك لتقرر تخلى حياتك مشرقه  لاإمالا . مستقبلك فيه حاجات كتير فيه زوجه مخلصه لوخترتها صح تبقى حبيبه فى ولاد يبقى سعادتك لوربتهم صح فيه شغل لواجتهدت وصبرت وتقع وتقوم وتحس بنجاحك بعد فشلك فى دنيا وسما وارض وشمش وبحر وصحتك كل ده ملكك ومبتشكرش ياعتمان

رد عتمان قاله وانت مين ياشيخ: رد الشيخ وبسمته على وجهه وهو بيقوله انا الرضا ياعتمان انا الى هتلاقينى لو طلبتنى انا إللى يخليك سعيد انا الى يصبرك على المحن برضاك بقضا الله انا الرضا اللى اخليك تشوف ابسط الاشياء بعين الرضا فتشوفها مصدر لسعادتك انا الرضا ان تخليت عنى يصاحبك الهم وان صاحبتنى تفضل سعيد مبسوط وبدا الشيخ يختفى