راحت فرفوره لجدها كالعاده واقعدوا ويتكلموا ويتبادلوا الاحاديث لغايه مافجاه فرفوره قالت لجدها

ياجدى ايه رايك فى الحب وياترى اختلف رايك دلوقتى عن رايك ماكنت شاب

بص الجد للفرفوره وابتسم وقال ايه يافرفوره عايز ترجعنى لايام زمان  تانى

ردت فرفوره وقالته ياجدى قول للزمان ارجع يازمان بس انت ياجدى لسه شاب بس فوق الستين وضحكت الجد وفرفوره

قالها الجد هاقولك راى فى كلمات :  تقدير الحب ومعناه بيختلف عند البشر ومن انسان لانسان والحب نفسه انواع ودرجات فالحب منه

العشق : والعشق هو اعلى درجات الحب واسماهم وهو مرادف الحب الحقيقى فالعاشق لايرى غير معشوقه مهما فرقت الاقدار اوجمعت ،يفضل حب المعشوق لاينقص ولايبدله عن حب معشوقه حب اخر وده قليل من البشر الى بينصاب بيه 

الحب: مرادف للمعانى كتيره الانجذاب الاعجاب تلاقى الارواح شكله يبان كبير ويسر كل ناظر ولكن   هو نبته جذروها ضعيفه تسقيها وترعاها تقوى جذورها وترعرع وتسعد الكل ، تهملها  تتضعف وتدبل وتموت وساعتها هتجيب نبته جديده وتحاول معاها تانى تحزنك موت النبته القديمه لكنك برده  هتحاول مع نبته غيرها مش كل حب لازم يستمر ومش كل حب لازم ينتهى

 اما الحب والناس: فكتير من ناس بيقابل الحب الحقيقى ولايعرفوش تعرفى ليه ياحفيدتى عشان فى زمانكم انتشرالزيف والتقليد والناس جواهر، والحب جوهره،والجواهر منها التقليد ويمكن بريق التقليد اكتر إشعاع وبريق من الجواهر الحقيقه  فينخدع بالبريق المزيف ويشترى الرخيص بالغالى ويبيع الغالى بالرخيص وتمر الايام ويفقد التقليد بريقه وقيمته ويندم شارى المزيف ولكن يفيده بايه الندم بعد مرور السنين وتزداد الجوهره الحقيقيه بريق  وتزيد قيمتها  ماهو مش كل الناس جواهركيه تميز المزيف من الحقيقى وأكم من الناس اشتروا الرخيص بالغالى وندموا واكم اشتروا الغالى وقدروا قيمته

رديت فرفوره على جدها وقالتله طيب ياجدى الحب عند النساء زى الحب عند الرجال ضحك الجد ضحكه هزت حيطان وجدران البيت كله وقالها الحقيقه بيختلف

الحب عند النساء : اذا حبيت الست الراجل تعشقه بتفاصيله بكل صغيره وكبيره وماتشوفش من الرجال غيره ، فالرجل للمراه كل دنيتها ومافيش مانع مع الاطفال بس ده اذا حبيت؟

اما

الحب عندالرجال: الراجل حتى لوحب مافيش مانع يرق للجمال وتعجبيه ويميل لاخرى برغم حبه ممكن تبقى نزوه وممكن يطير ، فالراجل الست مهمه اوووى له بس مش هى كل دنيته، هى جزء من دنيته ومافيش مانع الاجزاء التانيه تشغلها نساء اخريات والا لما احل الله الاربعه

ومش كل الرجال تقدر تكتفى بواحده  وحتى اذا اكتفيت لايمنع من ميل القلب وتقدير كل ماهو جميل ولاايه يافرفوره؟

ضحك الجد وبص لحفيدته وقالها على العموم يافرفورتى ربنا يديكى النوع اللى بيكتفى بواحده، بس مافيش مانع انه يميل  ويقدر كل جميل مدام من النوع اللى يميل وبس  فاذا مال طنشى، وعلى المواضيع قفلى  ولاااااااااااااااااااايه؟

 نظرت فرفوره بغيظ لجدها وقالته اااااااااااااااااااااااااااااايه؟