ياريتنى كنت ولد

جريمه فى الحى الراقى

**فى البيت القديم**

بعد دخول السيده جميله على الرجل القعيد ومحاوله تلصص سيده المنزل على المحادثه والتى لم ترى منها غير مجرد اقتراب السيده من سرير زوجها وجلوسها بالقرب منه على كرسى من خشب

ولم تستطيع سيده المنزل من معرفه ماتتتحدث بيه تلك السيده الغامضه وكان هناك شعورا داخليا لصاحبه المنزل بانها تعرفها ولكنها لاتتذكر؟

وهنا لمحتها السيده جميله وأمرتها بان  تبتتعد عن الباب

وبدات السيده جميله تتحدث بصوت منخفض مع هذا الرجل القعيد الذى لايستطيع ان يفعل شئ الآن سوى الاستماع والانصات دون ان يتحرك اوحتى ينطق انه يرى ويسمع فقط

وبدات السيده بالحديث: طبعا بتسال مين انا اكيد مش هتفتكرنى

انا شئ من ماضيك

والحقيقه النهارده انا جئت لزيارتك للمجرد   أذكرك بماضى عمره يمكن اكتر من خمسين سنه

من خمسين سنه

كان فى ست غلبانه فى الحى ده فى وقت متاخر من الليل بتولد

وكانت متجوزه ميكانيكى بس ماولدت جابت للميكانيكى صاحب الورشه

بنتين توأم

وهو كان عنده  بنت قبلها يعينى بقوا تلات بنات أوتلات مصائب

والميكانيكى  يوميها مافرحش بخلفه البنات حتى معرفش اسمهم إيه

وكان ناوى يطلق الست مش عشان البنات وبس

عشان الميكانيكى كان هيموت وميت فى حب ست مطلقه عندها ابن فى سن بنته الاولى

وطبعا الست اللى كان بيحبها هى كمان كانت عايزاه مش عشان بتحبه عشان هو اسطى وصاحب ورشه وعنده فلوس

وعشان الناس كلموه انه حرام يطلق مراته هدد مرأته الغلبانه انها لو مش جبتلوا الولد هيطلقها

بس هو كان كذاب عشان سواء جابت ولد ولابنت هيتجوز عليها وعشان برده عايز الولد

وعشان حظ الست الغلبانه حملت وخلفت البنت الرابعه

وطردها الراجل هى وبناتها فى الشارع 

عند ابوها الغلبان اللى برده قاعد فى حى عشوائئ بس اسوا

فابوها الكفيف ماكنش يملك غير حجره بحمام مشترك

والست مش اتعلمت بس لازم تشتغل عشان بناتها يعيشوا واشتغلت الست واتبهدلت ذاقت الذل لما جوزها هانها كست وعرف عليها واحده وباع عشره سنينين وباع بناتها معاها وقبلت تكون بس خادمه ليه واترجته مش يطلقها ويسيبهافى الشقه وهو مش رحمها وطردها

واتجوز المطلقه الطروب ولاعمره سال على بناته ولااهتم باخبارهم  اشتغلت الست فى البيوت وباعت خضار وبناتها كانوا بيكبروا وبيزيدوا جمال وبيتهانوا لانهم  مش حواليهم اللى يحميهم بس مطمع للكل

لغايه ماالست فى يوم سياره صدمتها هى وبنتها الصغيره 

وماتوا

راحت البنت الكبيره تستجير بابوها 

مرضيش يساعدها فى دفن امها وبنته

وبعديها بايام مات الجد

وفضلت تلات بنات اختهم الكبيره خلصت التعليم المتوسط بس اخواتها التوام كانوا فى ثانويه عامه ولسه ادامهم وقت عشان ينتهوا من تعليمهم والحجره اللى مش عجباهم الحكومه عايزاه تهدها عشان بقيت وكر للى بتاجروا فى المخدرات والجماعات الاسلاميه

يعملوا ايه البنات راحوا لابوهم 

ولان الاخت الكبيره كانت عايزاه اخواتها يكملوا تعلميهم

زى ماأمهم كانت عايزه

عملت مع ابواها صفقه انها تشتغل وتجيب مصاريف اخواتها وهو يوفر ليهم السكن

وعشان ابوهم كلامه هو كلام مراته الطروب

فاشترطت الزوجه مدام هيقعدوا معاها يخدموها هى وولادها وابنها ولان ايه اللى رماك على المر قاله اللى أمر منه قبلت  الصفقه على انهم يتعلموا الاختين التوام

وشافوا التلات اخوات أسود ايام حياتهم

كانوا بيناموا جائعنين وعلى الارض

ورضيوا واختهم كانت بتموت كل يوم وبتذل نفسها فى الخدمه فى البيوت والبيع فى المحلات

واخواتها كانوا بيحاولوا يحققوا امنيه امهم

وفى وسط كل ده تعبت واحده من التوام وعشان ماقدروش يجبيوا الدكتور ومع الاهمال اتمكن المرض من الاخت

ورضيوا بنصيبهم

ونجحوا فى الثانويه العامه وخلاص قدموا رغباتهم للدخول فى الكليه واحده تجاره والتانيه  كليه تربيه

لكن فى يوم دخل ابن المطلقه الطروب   واستغل وجود واحده من التؤام واغتصبها

ماكنتش عارفه تعمل ايه استنت اختها وتؤامها ماجت  من السوق اللى كانت بتشترى منه طلبات البيت وحكيتلها والاتنين استنوا اختهم الكبيره

لما قالوا لابوهم ضربها واتهمها انها هى اللى سيئه السلوك

والتلاته كرورا يسكتوا عشان مش يفضحوا نفسهم

وعرفوا انهم مش هيقدروا ياخدوا حقهم

وعرفوا انهم مالهمش مكان فى البيت ده

وكررت ساعتهم اختهم تقبل عرض ا لست  اللى من الحاره بتجوز البنات للرجاله من البلاد العربيه حاجه كده جواز للمتعه

عشان تقدر تعيش واخواتها يعيشوا

وساعتها كررت واحده من التؤام انها مش هتخلى حد يزلها واذا كانت الدنيا بيع وشراء يبقى لازم هى دايما اللى تحدد امتى تبيع وامتى تشترى

وعرفت ان امها كانت بسيطه لان التعليم مش هيفرق ولاهيديهم القوه

كررت تبيع نفسها بمزاجها بماانها اتاخد منها حاجه مش بمزاجها

يبقى بعد كل حاجه هتبقى بمزاجها مش هتبقى لعبه لكن هتخلى اى

حاجه لعبه مدام هتوصلها للهدف ومدام سلاحها هو جمالها

واشتغلت البنت فى فندق كبير وعرفت ناس مهمين وبدات تعرف امتى تدى وامتى تاخد

وازاى تلعب اللعبه صح

لغايه ماصاحبيت راجل بنفوذ ورجل اعمال فى دوله عربيه من دول الخليج وخدها معاه كخليله وشغلها معاه هناك وكسبت كتير وعرفت اكتر وخدت اختها تؤامها معاه وخلتها تشتغل فى مدرسه ولان اختها صحتها على ادها وبدات الحاله تدهور

اقترحت عليها تعمل كشف تبع مكتب صحى للشركه اللى بتشتغل فيها على انها هى عشان التامين الصحى عندهم كويس

وطلعت الاشعه باسم الاخت مش صاحبه الحاله

وراحت الاخت اللى بتشتغل فى الشركه وشافت التحليل وعرفت ان ايام اختها معدوده فى الدنيا

وشافتها فرصتها تدفن كل الماضى وتتخلص من قيد الراجل  اللى امتلكها بطوق من ذهب  وفى نفس الوقت هتهرب ومعاه فلوس وورق ومعرفه بشخصيه كل واحد ممكن يفيدها فى المرحله التانيه

من غيرخوف وباسم ابيض هو اسم اختها

واقنعت الراجل اللى تعرفه بحالتها وانها المريضه واقنعت اختها انها لازم تقعد فى البيت ومتروحش المدرسه وانها هتشتغل شغل تانى واذا اتصلت الشركه اوصاحب الشركه عليها انها تتقمص دورها لانها ومعرفتش اختها ان ايامها فى الدنيا معدوده 

وراحت التانيه المدرسه عشان تتقمص شخصيه اختها 

وماتت الاخت واتحقق الهدف

والتانيه اللى استباحت اسم اختها كانت عملت حسابها وكتبت كل شى شراء وبيع باسم اختها المدرسه واللى هتبقى هيه

ونجحت خطتها خلصت من تاريخها وخلصت من قبضه راجل ادها كتير

بس خدها عشيقته وعمره ماكان هيسمحلها تبعد اوتعمل اللى هى عايزاه بسهوله

وبدات تعمل وتشترى وتبقى سيده مجتمع وسيده اعمال ناجحه

واتجوزت ونسيت كل اللى كان

وخلفت بس فجاه ولادها ماتوا

ساعتها افتكرت ان الجزر الفاسد مش ممكن يطلع نبات صالح او فروع قويه وان الداء والمرض ف الجذر فكررت تصفى حسابها مع الجانى الحقيقى

وهنا اقتربت السيده جميله من اذن الرجل العجوز

طبعا انت عارف مين الاسطى والاب اللى رمى بناته ومراته وسايبهم للكل ينهش فيهم ويشترىو يبيع

فاكر التؤام فاكر اسميهم افكرك التؤام هى جميله وجيهان والاتنين كانوا يملكوا الجمال والجسم الفتان وهو ده سلاحهم

بس اللى مات جميله واللى ادامك هى جيهان

فاكر امى عائشه وذلها معاك فاكر اختى الصغيره أيه

مش تغضب ومش تزوم الست اللى بره لوصرخت اوحتى زومت اواتشنجت مش هتجى ليك تعرف ليه لانها سيدها الفلوس وانا اديتها فلوس

مش يهمها انت

وانت دلوقتى اللى عارف مين أنا؟

وانت دلوقتى مجرد حاجه لاليها حول ولاقوه

بس ده مش كفايه

انا جايه اصفى حقنا معاك

واقتربت اكتر من اذنه وهى بتقوله الاكله اللى ولادك بياكلوها بره ومراتك معاهم وابن مراتك اللى اغتصبنى

اكله حلوه اووى بس فيها سم هتنقلهم على جهنم على طول

وحتى معاهم اخواتى اللى عمرى ماحسيت انهم اخواتى وشغلتنا خدم عندهم يبهدلونا وقت ماهما عايزين

هما كمان هيموتوا

وهتفضل انت

لاحول ولاقوه

والبيت

والورشه خليت واحد يشتريهم بالتوكيل اللى عملته للمراتك باعت

الورشه والبيت وهتبقى فى الشارع لامال ولافلوس ولاصحه

مجرد كلب شريد

وهنا دموع الراجل نزلت وبدا بالتشنج قالتله اتشنج

وابكى ماهما تبكى عمرك ماهتقدر ترجع اللى راح

وبالمناسبه الفلوس اللى امراتك إديتها لابنها من فلوس بيع الورشه والبيت ادها للواحد نصاب اما الفلوس اللى بره

هاسيبها  وهيفتكروها فلوس باقيه من البيع

ومشيت السيده جميله وهى تاركه وراها العائله التى لم يكن تاثير السم ظهر عليهم حين انصرافها

**فىقسم الشرطه**

فى تلك الاثناء توجه الرائد عادل ومساعده يوسف للذهاب الى فيلا المهندس وزوجته  بعض التحريات وطرح الاسئله ورغبه من الضابط فى معاينه مكان الحادثه

وفى تلك الاثناء كانت بدات السيده جميله فى التوجه الى فيلاتها

" الى اللقاء فى الحلقه القادمه"